Өвөрхангай аймгийн Хужирт сумын Бэрх багийн “Богчоор даваа” гэдэг газар /аймгийн төвөөс хойд зүгт 110 км-т, сумын төвөөс хойд зүгт 20 км-т/ Өвөрхангай аймгийн Хархорин сумаас Хужирт сумын чиглэлд зорчиж явсан суудлын автомашин голын мөсөнд цөмөрч суусан байжээ.

Энэ тухай дуудлагыг 2022.11.27-ны өдрийн 15:05 цагт хүлээн авсан ба тус аймгийн Онцгой байдлын газрын Хужирт сум дахь Эрэн хайх, аврах бүлгийн алба хаагчдыг очиход иргэн С-ийн “Приус-20” загварын суудлын автомашин “Орхон” голын мөсөнд цөмөрч суусан байсныг татаж гаргасан байна.

Иймд иргэд та бүхэн хөдөө орон нутагт зорчихдоо тэр дундаа хөлдсөн гол, нуур гатлахдаа сонор сэрэмжтэй байж, аюулгүй замыг сонгохыг уриалж байна.