Хөгжлийн бэрхшээлтэй хүний хөгжлийн ерөнхий газар Хөдөлмөр эрхлэлтийн Үндэсний зөвлөлийн 2022 оны 02 дугаар сарын 11–ний өдрийн 1 дүгээр тогтоолын дөрөвдүгээр хавсралтаар батлагдсан ”Хөгжлийн бэрхшээлтэй иргэдийн хөдөлмөр эрхлэлтийг дэмжих хөтөлбөр”-ийн 4.5 дахь заалтыг үндэслэн хөгжлийн бэрхшээлтэй иргэний хөдөлмөр эрхлэлтийн сургалт зохион байгуулах мэргэшсэн байгууллагуудын сонгон шалгаруулалтыг нийслэлийн хэмжээнд зохион байгуулах тул оролцогчдыг урьж байна.

Тавигдах шаардлага

1. Мэргэжлийн сургалтын байгууллагын бүртгэлийн гэрчилгээтэй байх /хүчинтэй хугацаатай/
2. Сургалтын хөтөлбөр нь чадамжид суурилсан сургалтын арга зүйгээр боловсруулагдсан, ажил олгогчийн эрэлт, хэрэгцээг хангахуйц байх
3. Насанд хүрэгчдийн заах арга зүй эзэмшсэн, үндсэн багштай байх
4. Сургалтын стандарт нөхцөлийг хангасан анги танхимтай байх
5. Хөгжлийн бэрхшээлтэй иргэдэд сургалт зохион байгуулах тул сургалтын хүртээмжтэй орчин бүрдүүлсэн байх

Бүрдүүлэх баримт бичиг

1. Хөгжлийн бэрхшээлтэй хүний хөгжлийн ерөнхий газарт хандсан албан хүсэлт
2. Байгууллагын улсын бүртгэлийн гэрчилгээний хуулбар /2022 оны эхний 2 сарын хугацаанд нотариатаар баталгаажуулсан байх/
3. Мэргэжлийн сургалтын байгууллагын бүртгэлийн гэрчилгээний хуулбарыг 2022 оны эхний 2 сарын хугацаанд нотариатаар баталгаажуулсан хувь /сургалтын төрлүүдээр эрхтэй, хүчинтэй хугацаатай байх/
4. Мэргэжлийн сургалт зохион байгуулах чадамжид суурилсан сургалтын хөтөлбөрийг мэргэжлийн байгууллагаар / Мэргэжлийн боловсрол сургалтын үнэлгээ, мэдээлэл арга зүйн төв/ баталгаажуулсан дүгнэлтийн хуулбар
5. 2022 онд сургалт зохион байгуулах ажлын төлөвлөгөө
6. 2021 онд сургалт зохион байгуулсан ажлын тайлан, сургалтын анги танхим, материал, хэрэглэгдэхүүний талаарх мэдээлэл, фото зургаар баталгаажуулах
7. Сургалтын байрны түрээсийн гэрээний нотариатаар батлуулсан хувь /хүчинтэй хугацаатай байх/, өөрийн эзэмшлийн байртай бол үл хөдлөх хөрөнгийн гэрчилгээний хуулбар /гэрчилгээний хуулбарыг 2022 оны эхний 2 сарын хугацаанд нотариатаар баталгаажуулсан байх/
8. Багшийн анкет, тухайн сургалтын чиглэлээр мэргэжлийн үнэмлэх, диплом, сургагч багшийн эрхийн гэрчилгээний хуулбар /боловсролын бичиг баримтыг 2022 оны эхний 2 сарын хугацаанд нотариатаар баталгаажуулсан байх/

Жич: /1 багш 2-оос дээш байгууллагад гэрээгээр багшлахгүй/

Хөгжлийн бэрхшээлтэй иргэний хөдөлмөр эрхлэлтийн сургалт зохион байгуулах мэргэшсэн байгууллагуудын холбогдох баримт бичиг, материалыг 2022 оны 04 сарын 08-ны өдрийн 11.00 цагаас өмнө хүлээн авна.

Хаяг: Сүхбаатар дүүргийн 7-р хороо, Эрхүүгийн гудамж, Хөгжлийн бэрхшээлтэй хүний хөгжлийн ерөнхий газар, Бодлогын хэрэгжилтийн газар 3 давхарт 302 тоот

Утас: 77073008

Сургалтын төрлүүд: