Энэ удаагийн парламентийн отгон хуралдаан болж, хаврын чуулганыг түр завсарлуулав. Үүнтэй холбогдуулан УИХ-ын дарга Г.Занданшатар үг хэлэх үеэрээ парламентын гишүүдээс долоон гишүүнийг онцгойлон шилдгээр тодруулж шагнасныг мэдэгдэв.

Монголын төрийн манлай түшээдээр дараах гишүүд тодорчээ. 

• Монголын төрийн ой санамж, шударга ёсны төлөө зүтгэж, Үндсэн хуулийн эхийг барилцсан Д.Лүндээжанцан, Ц.Нямдорж нарыг Монгол төрийн манлай түшээгээр,
• Төрийн хатан эрдэнээр Эрүүл мэндийн сайд Д.Сарангэрэл,
• Хууль санаачлан батлуулсан тоо, ажлын хэсэгт оролцсон эрэмбийг харгалзан Д.Тогтохсүрэн, С.Бямбацогт нарыг Монгол төрийн манлай түшээгээр,
• УИХ олонх, цөөнхийн тэнцвэрийг хангаж ажилласан гишүүнээр Я.Санжмятавыг Монгол төрийн манлай түшээгээр,
• Шилдэг залуу түшээгээр Т.Аюурсайхан тус тус тодорчээ. 

У.БИЛГҮҮН