Засгийн газрын хуралдаанаас гарсан шийдвэрийг танилцуулж байна. Энэ үеэр ХЗДХЯ-наас боловсруулж буй Аялал жуулчлалын тухай хуулийн шинэчилсэн найруулгын төслийн талаар ХЗДХ-ийн сайд Х.Нямбаатар мэдээлэл өглөө. Тэрбээр "Монгол Улсад ирсэн жуулчдад татварын буцаан олголтыг өгдөг тогтолцоог нэвтрүүлнэ гэж хуульд тусгасан. Агнуурын зах зээлийн салбарыг нээлттэй болгоно. Янгир, угалз, шонхор шувууны зөвшөөрлийн тогтолцоо өнгөрсөн онуудад маш хаалттай явж ирсэн. Ингэхдээ ан агнуурын тоо, өсөн нэмэгдэх байдал зэрэгт үндэслэж, мэргэжлийн яамд нь агнуурын тоо хэмжээг гаргаж, тэр хэмжээгээр нээлттэй дуудлага худалдаагаар зарж борлуулдаг зарчим руу оруулахаар тусгасан" гэв.