Стратегийн бүтээн байгуулалтыг хорлон сүйтгэсэн этгээдийг Засгийн газрын нэрийн өмнөөс хууль хяналтын байгууллагаар шалгуулах ажлыг зохион байгуулах болсон гэх ЗГ-ын хуралдааны шийдвэрийг Хууль зүй, Дотоод хэргийн сайд Х.Нямбаатар өнгөрсөн долоо хоногт мэдээлсэн. Тодруулбал, Эрдэнэбүрэнгийн төслийг "гацаасан" хоёр албан тушаалтанд АТГ хэрэг үүсгэжээ.

Энэ талаар ХЗДХ-ийн Х.Нямбаатар хэвлэлд өгсөн ярилцлагадаа "Эхнээс нь Авлигатай тэмцэх газар болон хуулийн байгууллагад хүргүүлсэн. Эрдэнэбүрэнгийн усан цахилгаан станцын бүтээн байгуулалтыг гацаах шийдвэр гаргасан нэр бүхий хоёр албан тушаалтны мэдээллийг АТГ-д хүргүүлээд, хэрэг бүртгэл үүсч байгаа мэдээлэл байна" хэмээжээ.