Коронавируст халдварын шинээр бүртгэгдсэн хувилбарын талаар ХӨСҮТ-өөс мэдээлэл хийлээ. Энэ үеэр ХӨСҮТ-ийн Ерөнхий захирал Ц.Билэгтсайхан "Дотоодын нөхцөл байдал, тохиолдлын тоо, эмнэлгийн ачаалал ихсэж байна. Түүнчлэн өмнө тодорхойлогдож байгаагүй шинэ хувилбарууд бүртгэгдлээ. Тиймээс бид цаашид хувь хүний хариуцлагаа өндөржүүлж, өөрийгөө халдвараас хамгаалах шаардлага үүсч байна. Үр дүнтэй хялбар нийгмийн эрүүл мэндийн хариу арга хэмжээнүүдээ буцааж хэвшүүлэх шаардлага байгаа. Амны хаалт зүүх, гараа угаах, хүн хоорондын зай барих, томуу болон ковидын шинж тэмдэг илэрсэн бол өөрийгөө тусгаарлах шаардлагатай. Мөн вакцинжуулалтад идэвхтэй хамрагдах шаардлага бий" гэлээ.