Сүүлийн үед цахим залилангийн гэмт хэрэг ихээр гарч байгааг цагдаагийн байгууллагаас анхаарууллаа. Тухайлбал, энэ оны зургаадугаар сараас эхлэн фэйсбүүк цахим орчинд “Байр түрээслэнэ” гэх зарыг байршуулж, удаа дараагийн үйлдлээр бусдыг залилан мэхэлж 8 цагдаагийн газар, хэлтсээс эрэн сурвалжлагдаж байсан этгээдийг 2022.09.16-ны өдөр Чингэлтэй дүүрэг дэх цагдаагийн газрын нэгдүгээр хэлтсээс эрэн сурвалжлан олж тогтоосон байна.

Мөн 2022 оны зургаадугаар сараас эхлэн фэйсбүүк цахим орчинд “Мотоцикл зарна” гэх зарыг байршуулж удаа дараагийн үйлдлээр бусдыг залилан мэхэлж 5 цагдаагийн газар, хэлтсээс эрэн сурвалжлагдаж байсан этгээдийг 2022.09.16-ны өдөр Чингэлтэй дүүрэг дэх цагдаагийн газрын нэгдүгээр хэлтсээс эрэн сурвалжлан олж тогтоосон.

2022 оны 03 дугаар сараас эхлэн 15 удаагийн үйлдлээр бусдын орон байранд хууль бусаар нэвтэрч, их хэмжээний эд зүйл хулгайлсан этгээдийг 2022.09.26-ны өдөр Сонгинохайрхан дүүрэг дэх цагдаагийн газрын нэгдүгээр хэлтсээс эрэн сурвалжлан олж тогтоосон байна.