БНХАУ-д цэргийн эргэлт гарч болзошгүй нөхцөл байдал үүсээд байгаа талаарх мэдээлэл бий. Тодруулбал, өнгөрсөн пүрэв гарагт Хятадын ардын армийн цэргийн машинууд Хуанлай мужаас эхлээд Хэбэй мужийн Жанжякоу хот хүртэл нийт 80 км явсан бол лхагва гарагийн байдлаар нийт 9583 нислэг цуцлагдсан талаар мэдээлэл тархсан.

Энэ талаар ГХЯ-наас тодруулахад, "Бээжинд юу ч болоогүй. Тайван байгаа гэх мэдээлэл бидэнд ирсэн. Мөн Хятадад цар тахал их байгаа учир нислэг маш цөөн байгаа. Олон улсын нислэгийн хувьд ч эрс багассан. 500, 600-аар хийж байгаа нислэг байхгүй. Далайн эргийн нутаг орчим зарим хот суурингууд хар салхины улмаас нислэгүүд цуцлагдсан. Бээжин, Шанхайн хувьд нислэгүүд хэвийн үргэлжилж байгаа" гэх тайлбар өглөө.