Мөнхтөрийн Лхагвагэрэл “Белград 2022” чөлөөт бөхийн ДАШТ-ий эрэгтэйчүүдийн 125 кг-ын жинд аваргын алтан медалийн төлөө барилдаж, олимп, дэлхийн аварга алдарт бөх Таха Акгюльд 6:2-ын харьцаатай оноогоор ялагдсан.

Ингэснээр тэрбээр дэлхийн аварга шалгаруулах тэмцээний мөнгө, хүрэл медальтан болж, хос медальтан болсон юм.

Тэгвэл түүний дасгалжуулагч Б.Баттулга "Биднийг дэмжиж цай, сүүнийхээ дээж өргөсөн бүх хүмүүст баярлалаа. Чөлөөт бөхийн барилдааны гайхамшигийг үзүүлсэн шавьдаа баярлалаа. Шигшээ багийн бүх багш нартаа баярлалаа. Монголын чөлөөт бөх мандан бадраг. Хүүхэд залуучууд минь ийм сайхан спортоор олноороо хичээллээрэй. Удахгүй бид аварга болно оо." хэмээлээ.