Энэ мэдээ хуучирсан буюу 2022/09/12-нд нийтлэгдсэн мэдээ болно.

БШУЯ: Ж.Соронзон багш, эцэг эхчүүдийг 7 хоног бүр жагсаал зохион байгуулахыг дотоод группдээ оруулж байгааг ил болгосон

Ангилал
Нийгэм
Огноо
Унших
2 минут 15 секунд

Орос Монголын хамтарсан 3 дугаар сургуулийн захирал Ж.Соронзонг үүрэгт ажлаас нь чөлөөлөх шийдвэрийг БШУЯ-наас гаргасан. Энэ асуудалд салбарын сайд Л.Энх-Амгалан дараах мэдээллийг өглөө.

Тэрбээр, "Орос 3 дугаар сургуулийн асуудлаар Монгол Улсын Засгийн газар шийдвэрээ гаргасан. Энэ бол ямар ч эргэлт буцалтгүй шийдвэр гарсан гэдгийг албан ёсоор хэлье. Орос 3-р сургуулийн захирал асан Ж.Соронзон Монгол Улсын хууль, тогтоомжийг биелүүлэх үүрэгтэй. Хамт олноо, багш, эцэг эхчүүдийг 7 хоног бүр жагсаал, цуглаан зохион байгуулах үйл ажиллагаа явуулахыг дотоод группдээ оруулж байгааг ил болгосон.

Монгол Улс туурга тусгаар улс учраас Засгийн газрын, Боловсрол, шинжлэх ухааны сайдын тушаалыг "Цаг нь болоогүй байсан, Тэдэн цагт тушаал гаргана" гэдэг ийм болчимгүй мэдээллийг аль ч улсын элчин сайд гаргах ёсгүй. Энэ бол болчимгүй үйлдэл. Энэ асуудлаар манай ГХЯ-наас нот бичиг явуулах байх.

Тийм учраас орос 3 дугаар сургуультай асуудалд цэг тавьсан. Дахин энэ асуудал сөхөгдөх ёсгүй. Нэг зүйлийг хатуу хэлье. Өнөөдрийн байдлаар орос 3-р сургуулийн өмчлөл 100 хувь Монгол Улсын өмчлөлд байгаа. Тодруулбал нийслэл Улаанбаатар хотын өмч. ОХУ-аас нэг ч төгрөгийн зардал гаргадаггүй.

Энэ сургуулийн сургалтын үйл ажиллагааны урсгал зардлын 84 хувийг эцэг эх, асран хамгаалагчдын төлбөрөөс, 16 хувийг татвар төлөгчдийн мөнгө буюу хувьсах зардлаар өгч байгаа. Тийм учраас энэ сургуулийн удирдлагатай холбоотой асуудалд хувьсах зардалд нэг ч төгрөг гаргадаггүй, өмчийн хэлбэрт нэг ч төгрөг оруулаагүй байж Засгийн газрын гаргасан шийдвэрийн эсрэг ямар нэгэн гадаадын этгээд явуулга, байр сууриа илэрхийлэх ёсгүй гэдгийг хатуу хэлье "гэв.

Ж.Соронзонгийн асуудлаар ОХУ-ын ЭСЯ-наас гаргасан мэдэгдэлд ГХЯ ноот бичиг гаргах уу
Ж.Соронзонгийн асуудлаар ОХУ-ын ЭСЯ-наас гаргасан мэдэгдэлд ГХЯ ноот бичиг гаргах уу
 
Улаанбаатарт -16 хэм хүйтэн
Улаанбаатарт -16 хэм хүйтэн
Энэ мэдээ хуучирсан буюу 2022/09/12-нд нийтлэгдсэн мэдээ болно.