Ховд аймгийн шинэ Засаг дарга Э.Болормаатай холбоотой шүүмжлэл олон нийтийн сүлжээгээр гарч буй. Тэгвэл энэ асуудалд УИХ-ын гишүүн Х.Булгантуяа өөрийн байр сууриа цахим хуудсандаа ийн бичжээ.
Тэрбээр, "Алс баруун Ховд аймгийн засаг даргаар залуу, өндөр боловсролтой, ажлын туршлагатай эмэгтэй томилогдсонд баяртай байна. Ерөнхийлөгчид нэр дэвшигчээс ч илүү хөрөнгө орлого, нөхөр хүүхэд, ээж аав гээд улсаараа л сонжиж шалгалаа.
За тэгээд үргэлжлүүлэн өмссөн зүүсэн, жижиг сажиг алдааг нь түмэн олноороо шүүхгүйгээр ажил хийх боломжийг нь олгоё. Нутгийнхан нь дүгнэхээс нь өмнө хотоос сошиалаар бид дүгнэх дэмий байх.
Хэдүүлээ хотынхоо асуудлыг л ярья. Амжилт бүсгүй минь."гэжээ.
