Монгол Улсын Их Хурлын чуулганы нэгдсэн хуралдаан үргэлжилж байна. Хуралдаанаар давхар дээлийн асуудлыг хэлэлцэж байгаа ба УИХ-ын гишүүн Т.Доржханд парламентын ардчиллыг бэхжүүлэх нь зөв үү гэсэн асуулт тавьсан. Тэгвэл, асуултад гишүүн Н.Энхболд хариуллаа.

Тэрбээр, "Энэ асуудалд ажлын хэсэг хариул гэж байна. Миний тавьсан асуудал зөв үү, буруу юу гэж байх шиг байна. Үүний зөв, бурууг ажлын хэсэг шийдээд байдаг асуудал биш. Миний зүгээс хэлэхэд, танай нам болон таны хувьд, УИХ-ын гишүүдэд улс төрийн тогтолцоо, эдийн засагт санаа зовж, хууль тогтоомжид нэмэлт өөрчлөлт оруулах тухай санал тавих эрх байгаа гэдгийг хэлье. Таны зөв бурууг шүүн тунгаах нь утгагүй" гэлээ.