Өнгөрөгч наймдугаар сарын 18-нд Ардчилсан нам ээлжит бус их хурлаа хийж, намын тэргүүн дэд даргаар Ө.Шижирийг томилсон. Тэгвэл өнөөдөр /2022.08.24/ АН-ыг итгэмжлэлгүйгээр төлөөлөх этгээд буюу намын даргын үүрэг гүйцэтгэгчээр Ө.Шижирийг томилуулах хүсэлтийг УДШ-д хүргүүллээ. Энэ талаар АН-ын Ерөнхий нарийн бичгийн дарга И.Мөнхжаргал "Монгол Улсын Дээд шүүхэд АН-ын даргыг бүртгүүлэхдээ бүртгэлийн гэрчилгээг эх хувиар нь өгдөг. Ардчилсан нам гэрчилгээгүй, тамгагүй гэдэг "хэрүүлийн алим" тариад байгаа. Тэгвэл бид эх хувиар нь авч ирж үзүүлье гээд 2000 оны 12 дугаар сарын 6-нд олгосон Дээд шүүхийн гэрчилгээг эх хувиар нь үзүүлж байна.

Хоёрдугаарт, Үндсэн хуулийг тэтгэвэртээ гарсан зөнөсөн өвөгчүүлээр төрийн эргэлт хийчихээд түүнийг нь парламент нь шийдэх гээд сууж байгаа энэ цаг үед АН-ын залуучууд өөрсдийн эв нэгдлийг ярилцаж байна. Улс төрийг Үндсэн хуулийн хүрээндээ хийдэг баймаар байна" гэв.