Өнөөдөр олон улсын Залуучуудын өдөр тохиож байна. НҮБ-ын Ерөнхий Ассамблей 1999 онд тусгайлсан тогтоол гарган жил бүрийн наймдугаар сарын 12-ныг Олон улсын Залуучуудын өдөр болгон тэмдэглэхээр зарласан байдаг. Харин манай улсын хувьд эл өдрийг 2003 оноос хойш хуульчлан тэмдэглэх болсон.

Манай улсын нийт хүн амын 30 хувийг 15-34 насны залуучууд эзэлдэг байна. Залуучуудтай холбоотой зарим тоон мэдээллийг хүргэе.

-Манай улсад 15-34 насны 1.016.859 иргэн байгаа ба энэ нь нийт хүн амын 29.8 хувийг эзэлж байна гэсэн үг юм. Үүнийг хүйсээр авч үзвэл, 504.155 нь эмэгтэй бол 512.704 эрэгтэйчүүд байна.

-15-34 насны залуучуудын боловсролын түвшинг харвал 0.02 хувь нь доктор, 1 хувь нь магистр, 26 хувь нь бакалаврын дээд, 1 хувь нь дипломын дээд боловсролтой байна. Түүнчлэн 34 хувь нь бүрэн дунд боловсролтой байгаа бол 2 орчим хувь нь боловсрол эзэмшээгүй.

-15-34 насны залуучуудын ажилгүйдлийн түвшин нийт хүн амын 11.5 хувь байна.

А.Өлзийхутаг