Орхон аймгийн Баян-Өндөр сумын нутгийн Оюут багийн 2-24 дүгээр байранд дулааны худагт хүүхэд унасан гэсэн дуудлагыг долоодугаар сарын 24-ний өдрийн 13:31 цагт бүртгэгджээ. Дуудлагын дагуу тус аймгийн Онцгой байдлын газрын Эрэн хайх, аврах бүлгийн алба хаагчид очиход тус байранд оршин суугч дөрвөн настай эмэгтэй 3-4 метрийн гүнтэй дулааны худагт унасан байсныг гарган, хүүхдийн аавд хүлээлгэн өгчээ.
