Энэ мэдээ хуучирсан буюу 2022/07/02-нд нийтлэгдсэн мэдээ болно.

АН: С.Эрдэнийн биед халдахаар завдсан Д.Алтанхуягийн биеэс ХУТГА илэрсэн

Ангилал
 Хууль эрх зүй
Хэзээ
Унших
1 минут 13 секунд

С.Эрдэнэ даргатай Ардчилсан намын XIV Их хурал өнөөдөр Соёлын төв өргөөнд болсон. Энэ үеэр "Зэс Эрдэнийн хувь" компанийн Д.Алтанхуяг С.Эрдэнийг тайзан дээр түлхэж унаган, өшиглөн биед нь халдсан. Тэгвэл Д.Алтанхуягийн биеэс хүйтэн мэс, хутга илэрсэн талаар АН-ын Хуулийн зөвлөх Г.Батбаяр мэдээллээ. Тэрбээр "Иргэн А гэгч этгээд АН-ын дарга С.Эрдэнийн амь нас эрүүл мэндэд халдахаар улайран дайрч түүнийг бэртээж, гэмтээсэн. Мөн олон нийтийг үл хүндэтгэж олон нийтийн өмнө зодтолоо улайрсан байна. Энэ нь эрүүгийн хуулийн 10.1-2 дахь хэсэгт заасан өс хонзон, хувийн тааламжгүй харилцааны улмаас бусдын амь насыг хөнөөхөөр завдах гэсэн гэмт хэргийн төрөлд орно. Бид үүгээр гомдол гаргасан, учир нь түүний биеэс хутга, мэсний төрлийн зүйл гарсан.... Энийг цагдаагийн байгууллага баримтжуулж нотолсон. Тухайн этгээдийг 48 цагийн хугацаатай хорьсон байгаа" хэмээлээ.

ЦЕГ: С.Эрдэнийг зодсон гэх асуудлыг шалгаж байна
 
Ерөнхий сайд Л.Оюун-Эрдэнэ: Тамхины торгуулийг 50 сая болго
Энэ мэдээ хуучирсан буюу 2022/07/02-нд нийтлэгдсэн мэдээ болно.