Жүжигчин, кино найруулагч Г.Эрдэнэбилэгийг Монгол Улсын гавьяат жүжигчин цол тэмдгээр шагнахаар болжээ. Түүний хувьд 1995 онд Соёл урлагийн их сургуульд найруулагч, жүжигчний мэргэжлээр элсэн орж төгсөөд УДЭТ-т орж, тасралтгүй 18 жил ажилласан. Түүнчлэн "Хийморь", “Аав”, “Үргээлэг-2”, “Яллагч” уран сайхны кинонуудад найруулагчаар ажилласан. Тэрбээр хамгийн сүүлд УДЭТ-т тавигдаж буй “Тамгагүй төр” жүжигт Арчуг хааны дүрийг бүтээгээд буй билээ.