Ардчилсан намын XIV их хурал үргэлжилж байна. Энэ үеэр Шадар сайд асан Да.Ганболд "Өнөөдөр С.Эрдэнээг дэмжсэн хүмүүс энд цуглараад байгаа юм биш. С.Эрдэнээг ярих юм бол өчнөөн нүглийг нь тооцож болно. Гагцхүү энэ танхимд цугларсан хүмүүс бол зөн совин, үзэл санаагаараа ардчиллын амин сүнсийг авч яваа хүмүүс юм шүү. Нөгөө талыг дагасан хүмүүс байгаа байх. Гэхдээ мэдээлэлгүйгээс магадгүй сүүлийн жилүүдэд сөрөг хүчин байсаар байгаад хүний мөнгөнд нь, бэлэглэсэн хандив тусламжийг дагаад явдаг юм. Эрт орой бид нэгдэж л таарна" гэв.
