Энэ сарын 18-нд буюу өчигдөр "Ice Top" хамтлагийн тоглолт зохион байгуулагдсан. Тоглолтын дараа хамтлагийн дуучид хар тамхи хэрэглэсэн нь тогтоогдсон учир баривчиллаа гэх мэдээлэл цацагдсан. Харин тус хамтлагийн зүгээс уг мэдээллийг үгүйсгэж, нэр төрд халдсан хэмээн мэдээлсэн.

Мөн ЦЕГ-аас "ЦЕГ-ын Хар тамхитай тэмцэх газраас Төв цэнгэлдэх хүрээлэнд 2022 оны зургаадугаар сарын 18-ны өдрийн 12.00 цагаас 01:10 цагийн хооронд зохион байгуулагдсан “ICE TOP” хамтлагийн “Миний нийслэл” шоу тоглолтын үеэр 20 хүнд биологийн дээж тавьж мансууруулах эм, сэтгэцэд нөлөөт бодис хэрэглэсэн 3 иргэнийг саатуулж, хэргийг ХУДЦГ-ын нэгдүгээр хэлтэс шалгаж байна.

Энэ дунд тоглолт хийсэн хамтлагийн гишүүд байгаагүй" гэлээ.