Улсын Ерөнхий прокурорын газраас "Прокурор-Сэтгүүлч" ээлжит сургалтыг зохион байгуулж байна. Энэ үеэр 2021-2022 оны хооронд 14 нас хүрээгүй хүнийг хүчиндэх гэмт хэрэг үйлдсэн хэргийн судалгааг танилцууллаа.

Судалгаагаар хүчиндэх гэмт хэргийн улмаас 9-11 насны хоёр хүүхэд амь насаа алдсан байна. Мөн бага насны хүүхэд хүчиндсэн этгээд шүүх хурал дээр өөрсдийгөө өмөөрөхдөө олонх нь "Хүүхэд өөрөө намайг өдөөд байсан. Намайг үнсээд байсан. Тэр өөрөө зөшөөрсөн учир би унтсан" гэж мэдүүлдэг гэлээ.

Түүнчлэн энэ төрлийн гэмт хэргийн хохирогчдийн хамгийн бага нь 3 ой 6 сартай хүүхэд гэлээ.