Өнгөрсөн амралтын өдрүүдэд БНСУ-ын бодибилдингийн тамирчин Чол Сүн манай улсад ирсэнтэй холбогдуулан түүнийг Улсын арслан Ц.Содномдоржтой 100 сая төгрөгийн бооцоотой барилдана гэх мэдээлэл цацагдсан билээ. Тэгвэл энэ талаар Монголын бодибилдинг, фитнесийн холбоо, “Мэдээллийг харсан. Бодибилдинг, фитнесс, Үндэсний бөх чинь хоёр өөр төрлийн тамирчид учраас аль нэг төрлөөр нь ч өрсөлдүүлэх боломжгүй” гэсэн юм.

Тиймээс Улсын арслан Ц.Содномдоржийн 990-.... гэсэн дугаар руу залгахад түүний найз нь гэх хүн утсыг нь авсан юм.

Тэрбээр “Улсын арслан Ц.Содномдорж Солонгосын тамирчинтай барилдана гэдэг бол ташаа мэдээлэл. Гадаад явсан эзгүй байгаа. Яагаад ийм мэдээ цацагдсаныг огт ойлгоогүй гэсэн” гэлээ.