АНУ Украинд үзүүлэх аюулгүй байдлын шинэ тусламжаа богино хугацаанд зарлана гэдгээ мэдэгдлээ. Тодруулбал, Цагаан ордны Хэвлэлийн нарийн бичгийн дарга Жен Псаки өнгөрсөн лхагва гаригийн орой "Оросын харгис түрэмгийлэл үргэлжилж байгаа тул АНУ Украинд үзүүлэх аюулгүй байдлын шинэ тусламжаа "маш богино хугацаанд" зарлана гэжээ.

Мөн тэрбээр "ОХУ тив алгасах баллистик пуужин хөөргөсөн нь Цагаан ордны Украинд туслах байр суурийг өөрчлөхгүй бөгөөд АНУ цэргийн болон аюулгүй байдлын тусламжаа үргэлжлүүлнэ" гэв.