Сэлэнгэ мөрөнд осолдсон байж болзошгүй гурван иргэнийг эрэн хайх ажиллагаа гурав дахь өдрөө үргэлжилж байна. Тодруулбал, энэ сарын 9-нд Булган аймгийн Сэлэнгэ сумын Хялганат тосгоноос баруун зүгт 35 км-т/ “Портер” загварын ачааны автомашинтай зорчиж явсан 3 хүн сураггүй алга болсон. Тиймээс цагпаагийн байгууллагаас уг иргэдийг эрэн хайх ажиллагааг эхлүүлэх саналыг онцгой байдлын газарт гаргажээ. Улмаар энэ сарын 19-ний өдрөөс тус аймгийн Онцгой байдлын газрын даргаар ахлуулсан алба хаагчид, тус сумын Засаг даргын Тамгын газрын ажилтнууд иргэн С /47 настай, эрэгтэй/, О /47 настай, эмэгтэй/, Б /6 настай, эрэгтэй/ нарыг 3 бүлэгт хуваагдан, эрэн хайх ажиллагааг үргэлжлүүлсээр байна.
