Дэлхийн зах зээл дээрх газрын тос, нефтийн үнэ нэмэгдсээр буй. Үүнтэй холбогдуулан улс орнуудад шатахууны үнийн өсөлт явагдаж байна. Үүсээд буй нөхцөл байдалтай холбогдуулан БНСУ-ын Засгийн газраас тавдугаар сарын 1-нээс эхлэн гурван сарын хугацаанд шатахууны татварыг 30 хувь чөлөөлөхөөр болжээ. Эргэн сануулахад, тус улсын Засгийн газрын зүгээс өнгөрсөн жилийн 11 дүгээр сараас шатахууны татварыг 20 хувь чөлөөлсөн байсан. Ингэснээр шатахууны үнэ буурч тодорхой хэмжээнд барьж чадна хэмээн үзэж байгаа аж.