“Илүүдэл жингүй - Эртэч Монгол” аян өрнөж, нэгдэх оролцогчийн тоо өдрөөс өдөрт нэмэгдэж, цар хүрээ нь улам өргөжиж байна. Тухайлбал, Сэлэнгэ аймгийн Биеийн тамир, спортын газраас усан бассейнаар иргэддээ үнэ төлбөргүй үйлчлэх шийдвэр гаргажээ. Ингэснээр оролцогчийн тоо ч өссөөр байгаа аж.
Тус аймагт өнөөдрийн байдлаар долоон сумын спорт цогцолбор, хоёр фитнес, нэг спининг клубт 3101 иргэн идэвхтэй дасгал хөдөлгөөн хийжээ. Аймгийн хэмжээнд 12 цэгээс “Илүүдэл жингүй - Эртэч Монгол” аян иргэдэд хүрч байгаа юм.
Энэ сарын 10-наас эхлэн 06:30-07:30 цагт зумба, фитнес, нийтийн бүжгийг иргэддээ үнэ төлбөргүй болгожээ.
