Хөвсгөл аймаг, Түнэл сумын нутагт Навчилтай багийн “Улаагчийн-Өвөр” гэдэг газар мотоциклоор зорчиж явсан 2 хүн сураггүй болсон тухай дуудлага гуравдугаар сарын 8-ны өдрийн 21:29 цагт бүртгэгджээ.

Дуудлагын дагуу тус аймгийн Онцгой байдлын газрын Эрэн хайх аврах салбарын 8 алба хаагчид, орон нутгийн иргэд, ар гэрийнхний хамт иргэн Л /29 настай, эрэгтэй/, Б /27 настай, эрэгтэй/ нарыг эрэн хайх ажиллагааг 09:00 цагаас эхлэн 2 бүлэгт хуваагдаж зохион байгуулсан боловч үр дүнд хүрээгүй тул түр зогсоосон байна. Өнөөдөр /2022.03.11/-ний өдрийн 09:00 цагт эрлийн ажиллагааг дахин эхлүүлсэн.