2022 оны элсэлтийн ерөнхий шалгалтын зохион байгуулалтын талаар Боловсролын үнэлгээний төвөөс мэдээлэл хийлээ.

Энэ үеэр БҮТ-ийн дарга Л.Ганбат "Монгол хэл, бичгийн шалгалтыг 4 дүгээр сарын эхээр зохион байгуулахаар төлөвлөж байна. Тухайн шалгалтад хамрагдаад босго оноогоо даваагүй болон тодорхой шалтгааны улмаас хамрагдаж чадаагүй суралцагчдад боломж олгох зорилгоор Монгол, хэл бичгийн шалгалтыг 5 дугаар сард дахин зохион байгуулна. Хэрэв хоёр удаагийн Монгол хэл, бичгийн шалгалтад орж босго оноог даваагүй тохиолдолд ЭЕШ өгөх боломжгүй. Босго оноог 400 байхаар төлөвлөж байна. Удахгүй босго оноотой холбоотой мэдээлэл тодорхой болно" гэлээ.