2022 оны элсэлтийн ерөнхий шалгалтын бүртгэл www.eec.mn цахим хуудсаар орон даяар, Улаанбаатар хотын цагаар 2022 оны өнөөдөр өглөө 09:00 цагт эхэллээ. Энэ жилийн ЭЕШ-ын талаар Боловсролын үнэлгээний төвөөс мэдээлэл хийлээ.

Энэ үеэр БҮТ-ийн дарга Л.Ганбат "Монгол хэл, бичгийн шалгалтын бүртгэл өнөөдөр эхэлж байна. Энэ жил 12 дугаар ангиа төгсөж буй 33 мянга орчим сурагчид монгол хэл, бичгийн шалгалтад тусгайлан бүртгүүлэх шаардлагагүй. Харин өнгөрсөн жилүүдэд төгссөн, дахин ЭЕШ өгөх гэж буй шалгуулагчид өнөөдрөөс ирэх сарын 14-нийг хүртэл хугацаанд Монгол хэл, бичгийн шалгалтад бүртгүүлнэ. Бүртгэлийн хураамж 5800 төгрөгөөр явагддаг бол Монгол хэл, бичгийн шалгалтын бүртгэлийн хураамж төлбөргүй" гэлээ.