Өчигдөр Засгийн газрын ээлжит бус хуралдаан болж үүрэгт ажилдаа хариуцлагагүй хандсан гэх үндэслэлээр Байгаль орчин, аялал жуулчлалын сайд Н.Уртнасан, дэд сайд Ц.Батбаяр, мөн тус яамны Төрийн нарийн бичгийн дарга Д.Ганболд нарыг ажлаас нь чөлөөлөхөөр болсон. Тэгвэл Ерөнхий сайд Л.Оюун-Эрдэнэ бүрэн эрхийнхээ хүрээнд Засгийн газрын гишүүн, БОАЖ-ын сайд Н.Уртнасанг үүрэгт ажлаас нь огцруулах асуудлыг болон Засгийн газрын гишүүн, Байгаль орчны сайдад томилогдохоор нэр дэвшүүлсэн Б.Бат-Эрдэнийг УИХ-д танилцуулах тогтоолын төслийг өнөөдөр /2022.01.18/ өргөн барьсан.

Тэгвэл Байгаль орчин, аялал жуулчлалын сайдын албан тушаалд нэр дэвшиж буй Б.Бат-Эрдэнийн хувийн ашиг сонирхлын урьдчилсан мэдүүлгийг АТГ хянаж, түүнийг ашиг сонирхлын аливаа зөрчилгүй болохыг тогтоожээ.