Коронавирусний халдварын тархалт нэмэгдэж байгаатай холбогдуулан Япон Улсын Засгийн газраас Окинава, Хирошима, Ямагучи мужуудад чангатгасан арга хэмжээ авах буюу хязгаарлалт тогтоохоор шийдвэрлэжээ. Эдгээр мужуудад вирустэй тэмцэх чангатгасан арга хэмжээ нэгдүгээр сарын 9-нөөс 31-нийг хүртэл үргэлжлэх юм.

Энэ хугацаанд нийтийн хоолны газрууд болон бусад байгууллагын үйл ажиллагаа, мөн олон нийтийн арга хэмжээ зохион байгуулахыг хязгаарлахаар болов.

Япон Улсад өчигдөр бүртгэгдсэн коронавирусний халдварын тохиолдол 4000 давсан нь өнгөрсөн оны есдүгээр сарын 18-наас хойш өдөрт бүртгэгдсэн хамгийн олон тохиолдол болжээ.