Ардчилсан намын Үндэсний анхдугаар чуулган болж байна. Үүнтэй холбогдуулан АН-ын Зөвлөхүүдийн танхимын тэргүүн С.Эрдэнэ үг хэллээ.
Тэрбээр "Үндэсний анхдугаар чуулган, Ардчилсан хувьсгал үүссэний 30 жилийн ой баяраа цар тахлын улмаас хожуу хийж байна. Үндэсний анхдугаар чуулганы гол зорилго нь АН үзэл санааны хувьд яаж ажиллах, намын анхан дунд байгууллагууд, түүний гишүүдийн оролцоо ямар байх талаар хэлэлцэх юм. Өнөөдрийн бидний тэмдэглэн өнгөрүүлж буй АН-ын 30 жилийн ой маань бидний хувьд өнгөрсөн хугацааны алдаан оноондоо дүгнэлт хийх, ард түмнээсээ үг сонсох зорилготой. Бид дараа дараагийн олон улс төрийн шалгалт, сорилтыг давах сэтгэлзүйн болоод итгэл үнэмшлийн бэлтгэлийг бий болгох ёстой гэж бодож байна.
Өнөөдрийн бий болсон үнэт зүйлдээ тулгуурлаад бидний үйл хэрэг мөнхөд гэрэл гэгээтэй байна гэдэгт би ер эргэлзэхгүй байгаа. Бидний ирээдүй гишгих газартай, амьсгалах агаартай, тусгаар тогтносон Монгол Улсын иргэн байж үлдээнэ гэж бодож байгаа бол ардчилал, эрх чөлөөгөө хамгаалах ёстой. Нийт журмын нөхөд, нийт иргэддээ ардчилсан хувьсгалын 30 жилийн ойн мэндийг чин сэтгэлээ хүсэж байна. АН-ын Үндэсний анхдугаар чуулганд амжилт хүсье" гэв.
