Засгийн газрын ээлжит хуралдаан өнөөдөр хуралдсан. Хуралдаанаас гарсан шийдвэрийг холбогдох албаныхан танилцууллаа. Мэдээллийн эхэнд Ерөнхий сайдын хэвлэл мэдээллийн төлөөлөгч Ч.Болортуяа "Өнөөдрийн байдлаар вакцины нэгдүгээр тунд нийт хүн амын 69.5, хоёрдугаар тунд 66.1, нэмэлт тунд 21 хувь нь хамрагдаад байна. Өссөн дүнгээр нэмэлт тунд 674925 хүн хамрагдсан нь насанд хүрэгчид буюу зорилтот бүлгийн 35.7 хувь юм. Засгийн газрын хуралдаанаар Ерөнхий сайд ковид19-ийн вирусийн шинэ төрлийн мутаци гарсантай холбоотойгоор хил гаалийн нэвтрүүлэлтэд онцгой анхаарал хандуулж ажиллах үүргийг УОК-т өгсөн. Мөн вакцины бүүстер тунд хамрагдах иргэдийн идэвхийг нэмэгдүүлэх зорилгоор вакцинуудын цэгийн тоог нэмэгдүүлж байгаа талаар албаныхан мэдээлэл өгсөн" гэлээ.