“MEC” байгууллагаас гаргадаг улс төрчдийн үйл ажиллагаанд "дүн тавьдаг" арван нэгдүгээр сарын үнэлгээ гарчээ. Судалгааг Улаанбаатар хотод оршин суудаг сонгуулийн насны 1006 иргэнээс 11 дүгээр сарын 05-14-ны өдрүүдэд санамсаргүй түүврийн аргаар авсан байна.

Ингэхдээ Монгол Улсын Ерөнхийлөгч У.Хүрэлсүхэд өгсөн үнэлгээ өнгөрсөн долдугаар сард 5.6, наймдугаар сард 5.6 байсан бол ес, аравдугаар сард 5.8-5.9 байжээ. Харин энэ сард уг үнэлгээ нь 6.1 буюу өмнөх сараас 0.2 оноогоор өсчээ. Хэдийгээр өмнөх Ерөнхийлөгч Х.Баттулгад өгсөн иргэдийн үнэлгээг одоогоор гүйцэхгүй байгаа ч өнгөрсөн саруудад иргэдэд үнэлэгдсэн үнэлгээ нь нэмэгдэж, түүний рейтинг өссөөр байна.