Монгол Улсын шигшээ баг Азийн хөл бөмбөгийн холбооны 23 хүртэлх насны Азийн цомын тэмцээний урьдчилсан шатны тоглолтоо өнөөдөр буюу 25-нд Тайланд улсын шигшээ багтай хийж, 1х1 харьцаатай тэнцээгээр өндөрлөлөө.

Тоглолтын эхний хагасыг 1х0 харьцаатай хожигдож дуусгасан ч хоёрдугаар хагасд эрчимтэй довтолж тоглолтын 75 дахь минутанд багийн довтлогч Б.Балжинням 16-ийн шугамын араас хүчтэй цохиж гоол оруулснаар тооны харьцааг тэнцүүлж эхний тоглолтоо нэг оноотойгоор дуусгаж байна.

Манай шигшээ багийн хувьд дараагийн тоглолтоо энэ сарын 28-нд Малайз улсын шигшээ багтай хийх юм.

Д.Идэрбат