ЭМЯ-наас коронавируст халдвартай холбоотой цаг үеийн асуудлаар мэдээлэл хийлээ.

ЭМЯ-ны Эмнэлгийн тусламжийн газрын дарга Я.Буянжаргал "Өнөөдрийн байдлаар 2057 иргэнийг тусгаарлан ажиглалтад аваад байна. Сүүлийн 24 цагийн хугацаанд ОХУ-аас орж ирсэн иргэдээс Орхон аймагт 42, Сэлэнгэ аймагт 2, Дархан-Уул аймагт 4, Баян-Өлгий аймагт 33 хүн, Дорнод аймагт 18 хүнийг тусгаарласан. 

Нийт 297 эмч, эмнэлгийн ажилтад иргэдтэй хамт тусгаарлалтад ороод ажиллаж байна.

Эмчилгээ, оношилгоо, тандалт судалгаандаа олон улсад ашиглагдаж буй арга техникүүдийг ашиглаад явж байна. Дэлхий дахинд олон эмийн туршилт хийгдээд явж байгаа" хэмээв.