Энэ мэдээ хуучирсан буюу 2020/03/23-нд нийтлэгдсэн мэдээ болно.

МАН-ын Бага хурал хуралдаж, хэд хэдэн томилгоо хэлэлцэнэ

Ангилал
Улс төр
Хэзээ
2020/03/23
Унших
1 минут 14 секунд

Эрх баригч хүчин болох МАН-ын Удирдах зөвлөл өнгөрөгч долоо хоногт хуралдаж, Бага хурлаа өнөөдөр онлайнаар хуралдуулахаар болжээ. Дэлхий даяар тархаад буй шинэ төрлийн коронавирусийн улмаас ийнхүү онлайнаар хуралдаж байгаа юм. Тэгвэл энэ удаагийн Бага хурлаар УИХ-ын 2020 сонгуулийн мөрийн хөтөлбөрийг хэлэлцэхээс гадна хэд хэдэн томилгоог эцэслэх аж.

Тодруулбал, МАН-ын Нарийн бичгийн дарга Ц.Бат-Энхийг чөлөөлж, МИАТ-ийн дэд захирал асан Н.Энхбаатарыг томилох эсэх асуудлыг хэлэлцэнэ. Мөн МАН-ын УИХ-ын 2020 сонгууль хариуцсан нарийн бичгийн даргаар УИХ-ын гишүүн Я.Содбаатар, Хэвлэл мэдээлэл хариуцсан нарийн бичгийн даргаар Н.Учрал, нийслэл хариуцсан нарийн бичгийн даргаар УИХ-ын гишүүн Ж.Энхбаярыг томилохоор Удирдах зөвлөл дээрээ тохиролцжээ. Удирдах зөвлөлөөс гаргасан дээрх шийдвэрүүдийг өнөөдрийн Бага хурлаар эцэслэх юм.
Дашрамд дурдахад, Сонгуулийн тухай хуульд заасны дагуу улс төрийн намууд гуравдугаар сарын 25-ны дотор Үндэсний аудитын газар мөрийн хөтөлбөрөө хүргүүлэх ёстой.

Энэ мэдээ хуучирсан буюу 2020/03/23-нд нийтлэгдсэн мэдээ болно.

Төстэй мэдээллүүд: