"Токио 2020" зуны олимпт оролцсон тамирчид дөнгөж сая эх орондоо ирлээ. Тодруулбал, өнөөдөр чөлөөт бөхийн спортынхноос бусад нь эх орондоо ирж байгаа юм. Учир нь чөлөөт бөхийн тэмцээн дуусаагүй бөгөөд маргааш манай тамирчин Б.Болортуяа, М.Лхагвагэрэл нар барилдана.

Энэ удаагийн олимпт манай улсын 43 тамирчин 10 өөр төрөлд өрсөлдсөн. Улмаар жүдо бөхийн тамирчдаас хоёр хүрэл, нэг мөнгөн медаль хүртсэн билээ. Тодруулбал, Дэлхийн аварга М.Уранцэцэг хүрэл, Олон Улсын хэмжээний мастер Ц.Цогтбаатар хүрэл медаль, Азийн АШТ-ий нэг мөнгө, хоёр хүрэл медальт Саид Моллай мөнгөн медаль хүртсэн юм.