Өмнө нь бид БНСУ-ын судалгааны баг коронавирусийн (covid-19) эсрэг тэмцэх  "эсрэгт биет"-ийг олж илрүүлсэн талаар мэдээлсэн. Тэгвэл өчигдөр  БНСУ-ын Чүннамын Үндэсний Их Сургуулийн багш, профессор Сео Санг-Хигээр ахлуулсан судалгааны баг эс ургуулах технологи ашиглан covid19 вакцины антигенийг анх удаа амжилттай гаргаж авсан талаар мэдээлжээ. 

Профессор Сео, ургуулсан эсүүддээ covid19-ыг халдварлуулж, вирусыг өсгөх замаар халдварлах чадварыг нь алдагдуулж, вакцины антигенийг үүсгэж авлаа гэжээ. 

Тэд үйлдвэрт богино хугацаанд их хэмжээний вакцин үйлдвэрлэх боломжтой байдлаар ажлаа гүйцэтгэж байгаа бөгөөд эцсийн зорилго нь хамрын цацлага хэлбэрийн вакциныг үйлдвэрлэх юм байна. 

Судалгааны баг нь вакцинаа амьтан дээр туршиж дархлаа болон аюулгүй байдлыг нь шалгах бөгөөд энэ нь дээд тал нь 6 долоо хоног орчим зарцуулах аж. 

Эх сурвалж: YTN