Өнөөдөр 13.00 цагийн үед Баянгол дүүргийн наймдугаар хороонд "приус 20" автомашин шатсан хэрэг гарлаа. Тодруулбал, байрнуудын хажууд зогсоол дээр байсан машин шатаж байгаа гэх дуудлага цагдаагийн байгууллагад 13.23 цагт ирсэн байна. Дуудлагын дагуу цагдаа, онцгойгийн албан хаагчид ажиллаж, галыг бүрэн унтраажээ.

Энэ талаар цагдаагийн байгууллагаас тодруулахад "Урьдчилсан байдлаар машин юунаас болж шатсаныг тогтоох боломжгүй байна. Галын шинжээчдийн дүгнэлт гарахаар тодорхой болно. Мөн хүн бэртэж, гэмтсэн гэх дуудлага ирээгүй" гэлээ.