ОХУ-ын Сочи хотод шатрын “Дэлхийн цом 2021” тэмцээн зохиогдохоор болжээ. Тэмцээний нээлт энэ сарын 11-нд болно. Монголын шатарчдаас Олон улсын мастер С.Ган-Эрдэнэ Ази тивийн аварга шалгаруулах тэмцээнд шагналт байр эзэлж, уг тэмцээнд оролцох эрхээ авсан юм. Мөн их мастер Д.Батсүрэн, үндэсний шигшээ багийн тамирчин Т.Мөнхзул, Гавьяат тамирчин Б.Мөнгөнтуул нар урилгаар оролцохоор болсон байна. Тэмцээний эхний тоглолт энэ сарын 12-нд Улаанбаатарын цагаар 20.00 цагт эхэлнэ.