Түлхүүр мэдээлэл:

• Ираны эрх баригчид нийт 70,000 хоригдлыг суллажээ.
• Суллагдсан хоригдлуудыг хэзээ буцааж шоронд хорих талаар мэдээлээгүй байна.
• Персийн шинэ жилийг тохиолдуулан ард түмэндээ хандаж үг хэлдэг уламжлалаа энэ жил цуцлахаар болсон байна.

Шинэ коронавирусийн халдвар шоронд тархаж болзошгүй гэж болгоомжилсон Ираны эрх баригчид нийт 70,000 хоригдлыг сулласан тухай тус улсын хууль зүйн сайд Эбрахим Раиси өчигдөр мэдээлжээ.

Нийгэмд аюул хөнөөл учруулах эрсдэл багатай гэж үзсэн хоригдлуудыг шоронгоос сулласан ажээ. Харинсуллагдсан хоригдлуудыг хэзээ буцааж шоронд хорих талаар мэдээлээгүй байна.

Ираны шашны тэргүүн Аятолла Хамени жил бүрийн Персийн шинэ жилийг тохиолдуулан ард түмэндээ хандаж үг хэлдэг уламжлалаа энэ жил цуцлахаар болсон байна.

Энэ нь коронавирусийн халдвараас болгоомжилсон шийдвэр гэж албаныхан мэдээлжээ.

                                                                                                                                                                                                                                                                                   Эх сурвалж: BBC