Дорнод бүсийн плэй-оффын хоёрдугаар шатад учраа таарсан Брүүклин Нетс, Милуаки Бакс багуудын цувралын гурав дахь тоглолт болж 86:83 харьцаатайгаар Бакс хожлоо. Ингэснээр цуврал 2:1 болж Бакс талбай дээрээ хийсэн эхний тоглолтод хожив.

Баксаас Крис Миддлэтон 35 оноо 15 самбар, Яннис Антетэкумпо 33 оноо 14 самбар аван багаа хожилд хөтөллөө. Дээрх хоёр тоглогч нийлээд 68 оноо авсан нь багийн нийт онооны 80 хувийг бүрдүүлэв.

Харин Нетсээс КД 30 оноо 11 самбар, Кайри 22 оноо 5 самбар авсан байна. Цувралын дараагийн тоглолт ирэх даваа гарагт болох хуваарьтай.