Мьянмараас зугтан гарсан “Democratic Voice of Burma” хэмээх бие даасан хэвлэлийн гурван сэтгүүлчийг Тайландад саатуулжээ. Тавдугаар сарын 10-ны өдөр Чан Май мужид “DVB” сонины гурван сурвалжлагч, хоёр туслахыг Тайландын нутаг дэвсгэрт хууль бусаар нэвтэрсэн хэргээр баривчилсан байна.
Энэ сарын 11-нд буюу өнөөдөр эдгээр таван хүн шүүх хуралд оролцох ёстой байсан боловч хурлын талаар одоог хүртэл тодорхойгүй байгаа юм. Мьянмарт цэргийн эрхтнүүд засгийн эрхэнд гарсны дараа 70 гаруй сэтгүүлч баривчлагджээ. Гуравдугаар сарын 8-нд цэргийнхэн "Mizzima", "Myanmar Now", “Democratic Voice of Burma”, "7 Day TV", "Khit Thit Media" гэсэн бие даасан таван мэдээллийн хэрэгслийн тусгай зөвшөөрлийг цуцалсан байна.
