Нийслэлийн хэмжээнд гуравдугаар сарын 16-ны өдрийн 21:00 цагийн байдлаар, нийт 13186 хүнийг дархлаажуулалтад хамруулжээ. 

Дархлаажуулалтын 41 цэгт 95 багийн 671 эмч, эмнэлгийн мэргэжилтэн ажилласан байна. Ингэснээр нийслэлийн хэмжээнд нийт 139.636 хүнийг дархлаажуулалтад хамруулаад байна.

ХӨСҮТ-ийн дархлаажуулалтын албаны дарга О.Дашпагма: “Эдгээр хүмүүсийн дунд вакцины дараах ноцтой урвал бүртгэгдээгүй. Вакцинд заагдсаны дагуу хэвийн урвал гарсан. Эхний ээлжинд хувийн болон улсын эмнэлгийн эмч мэргэжилтнүүдээ, үйл ажиллагаагаа тасралтгүй явуулах шаардлагатай төрийн болон бусад байгууллагын хүмүүсийг вакцинд хамруулсан. Энэ долоо хоногт 50-60 насны иргэдийг ӨЭМТ-д дуудаж вакцинд хамруулна” гэв.