Нийслэлийн багш нарыг вакцинжуулах ажил өчигдөр эхэлсэн. Өнөөдрийн байдлаар, нийт 3558 багш вакцинжуулалтад хамрагджээ.
Вакцинжуулах ажлыг нийслэлийн дүүрэг бүрт Онцгой комисс, Эрүүл мэндийн нэгдэл зохион байгуулж буй юм. Боловсролын байгууллагын багш, ажилтнууд нийт 34 641 байгаа бөгөөд тэд сайн дурын үндсэн дээр вакцинд хамрагдаж байна. Вакцинжуулалтын үед ерөнхий боловсролын сургууль дээр манаач, цахилгаанчин, эмч, үйлчлэгч, мэдээлэл зүйн багш нараас бусад багш, ажилтан, захирал удирдах ажилтанг байлгахгүй гэдэг шаардлагыг дүүргийн Онцгой комисс тавьж байгаа юм.
