Энэтхэгт азарган тахиа сургаж, бооцоотой тулалдуулдаг хууль бус тэмцээнүүд зохиогдох болжээ. Тахианы сарвуунд хутга бэхэлж, тулааныг ширүүн өрсөлдөөнтэй болгодог байна. Тэгвэл саяхан энэ аргыг ашиглан сургасан тахиа нь эзнээ хөнөөжээ.

Энэтхэгийн өмнөд бүсийн Телангана мужийн Каримнагар дүүрэгт оршин суудаг эрэгтэй сургасан тахианыхаа хойноос хөөх үедээ хөлийнхөө гол судсыг зүсүүлсэн байна. Иймд их хэмжээний цус алдсан эрэгтэй эмнэлгийн тусламж авч амжилгүй нас баржээ.

Эзнийхээ аминд хүрсэн тахиаг орон нутгийн цагдаагийн газарт хэсэг байлгасны дараа ферм рүү илгээсэн байна. Хохирогч тосгондоо тахианы тулаан хууль бусаар зохион байгуулдаг 16 хүний нэг байсныг шалгаж тогтоожээ. Мөн бусад 15 хүнийг эрэн сурвалжилж эхэлсэн байгаа юм. Тэднийг хууль бус бооцоот тэмцээн зохион байгуулснаас гадна хүн амины хэрэгт холбогдуулан шалгах юм.