Казахстаны анхны Ерөнхийлөгч Нурсултан Назарбаев зээ хүү Айсултаныхаа үхлийн талаар анх удаа ам нээсэн байна. Тэрбээр энэ тухай "Штрихи к портрету" баримтат кинонд хэлжээ.

"Би зээ хүүгээ ийм эрт биднийг орхиод яваад өгсөнд маш их харамсаж явдаг. Би түүнийг болдогсон бол хаашаа ч явуулахгүй байх байсан. Гэхдээ түүнийг тогтоон барих боломжгүй байлаа. Тэр аль хэдийнэ "энэ зүйл" /мансууруулах бодис/-ийн боол болсон байсан. Тэр биеэ татаж чадахгүйд хүрсэн. Бид түүнийг Москва, Лондонд эмчлүүлсэн. Гэвч тэр буцаад “түүний" эрхшээлд орсон" хэмээв. Хэвлэл мэдээллийн хэрэгслүүд өмнө нь Нурсултан Назарбаевын зээ хүү Айсултан Лондонд таалал төгссөн талаар мэдээлж байв. Айсултаны хувьд өмнө нь Их Британиас улс төрийн орогнол хүсч байв.