Сиксерс багийн тоглогч Жоэл Эмбийдийн бие муудаж, Хьюстон хотод яаралтай мэс засалд оржээ. Сиксерс баг Хьюстон хотод аялан тоглолтоор явж байсан ба шөнө түүний бие тавгүйрхэж багийнхандаа мэдэгдэж эмнэлэгт хүргэгдсэн байна. Эмнэлгийн үзлэгээр appendicitis буюу мухар олгойн үрэвсэл гэж оношлогдон шууд хагалгаанд оржээ. Түүний мэс засал амжилттай болсон талаар Сиксерс баг цахим хуудсаараа мэдэгдсэн байна.

Багийн ерөнхий дасгалжуулагчийн хэлснээр Эмбийд өмнөх өдөр бэлтгэлдээ хэвийн оролцсон ба ямар нэгэн асуудал илрээгүй аж. Одоогоор түүний талбайд эргэн ирэх хугацааг албан ёсоор зарлаагүй. Ямартай ч улирлын сүүлийн хоёр тоглолтод оролцохгүй ба плэй-офф шатны эхний цувралд ирэхгүй байх магадлалтай юм. Сиксерс одоогийн байдлаар 43 хожил 37 хожигдолтойгоор бүсийнхээ 8 дугаар байрт жагсаж байна.