Боксын Ази тивийн аварга шалгаруулах тэмцээний гурав дахь өдрийн тоглолтууд явагдаж дууслаа. Өнөөдөр эмэгтэй -50 кг болон эрэгтэй -60 кг жингийн эхний тулаанууд болсон. Харин маргааш эрэгтэй -65, -80, -90 кг жингийн тулаанууд болно. Эрэгтэйчүүдийн -65 кг-д өрсөлдөж байгаа ОУХМ Т.Энхтөр эхний тулаанаа Йордан улсын тамирчинтай хийнэ. Харин -90 кг-д ОУХМ Х.Бекнур Узбекстаны тамирчинтай тулалдана. Маргаашийн тоглолт Т.Энхтөрийн тулаанаар эхэлж, Х.Бекнурын тулаанаар өндөрлөнө.
Манай тамирчдаас ОУХМ О.Бямба-Эрдэнэ, Х.Билгүүнсайхан, М.Намуун нар эхний тулаандаа ялалт байгуулаад байгаа. Харин өнөөдөр тулалдсан Б.Буяндалай ялагдал хүлээсэн.
