Жүдо бөхийн Ази тивийн аварга шалгаруулах тэмцээн хоёр дахь өдрөө үргэлжилж байна. Эмэгтэйчүүдийн 63 кг-ын жинд МУГТ Л.Энхрийлэн алтан медалийн төлөө Бүгд Найрамдах Ардчилсан Солонгос Улсын бөхтэй барилдаж торгуулиар ялалт байгуулж Ази тивийн аварга боллоо.
Манай бөх хэсгийн эхний барилдаандаа гоц мөргөж, хоёрдугаар тойрогт Энэтхэгийн бөхийг буулган авч А хэсгийн аваргаар шалгарсан. Хагас шигшээд БНСУ-ын бөхийг буулган авч аваргын төлөө Бүгд Найрамдах Ардчилсан Солонгос Улсын бөхтэй хүч үзэн барилдлаа.
МУГТ Л.Энхрийлэн 2024 оны Азийн аваргад 57 кг-ын жинд аваргалж байсан юм. Энэ жил жин өгсөн барилдаж хоёр дахь алтан медалиа хүртэж байна.
Сэтгэгдэл (0)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!